Enviado por aitux o Dom, 07/26/2009 - 10:55
Grabar unha imaxe de CD Trisquel
Para grabar unha imaxe de CD -coma os arquivos ISO nos que se distribúe Trisquel- dende Windows, pode usar a opción de "grabar imaxe" do seu programa de grabación. Se non dispón deste software, siga os seguintes pasos:
- Descargar unha imaxe de Trisquel dende a páxina de descargas.
- Descargar e instalar InfraRecorder, un programa libre que permite gravar imaxes ISO. Pódeo poñer en galego dende “Options>Configuration>Language>Galician”.
- Inserte un disco virxe (CD ou DVD) no gravador e seleccione “cancelar” se aparece algunha mensaxe de auto-arrinque
- Abra InfraRecorder e seleccione Write Image.
- Seleccione a imaxe ISO que descargou no paso 1, por exemplo "trisquel_4.5_i686.iso", e prema en 'Open'.
- Verifique as opcións de gravación (débese poñer a mínima velocidade de escritura que haxa, para evitar futuros erros no disco) e prema “Ok”.
- Cando a gravación estea completa, xa ten o disco preparado para empregar Trisquel.
