Lentitude con Trisguel 1.0

Boas.

Teño instalado o Trisguel 1.0 nun AMD Athlon 32bit 1000 MHz, con 768 MB de memoria RAM. Fixen unha partición de 60 GB en formato ext3 e outra de 1,5 GB como swap. Por certo, non teño conexión a Internet. O problema é que, cando arrinco o Trisguel, vaime todo moi lento en pantalla: o cursor do GNOME tarda en moverse e as fiestas dos menús tardan en abrirse máis do normal. Tiven outras distribucións de Linux e non me pasaba isto. O curioso é que algunnha vez, logo de levar bastante tempo a traballar co computador e estando varios programas en execución, xa todo comeza a ir a unha velocidade normal... Pensei que se cadra ao inicio o sistema tenta conectarse a Internet e iso é o que me causa a lentitude, mais en verdade non teño nin idea. Tampouco sei se quizais o Trisguel vaia mellor con Pentium que con AMD... En fin, agradecería que alguén me axudase con isto para non ter que pasarme a outra distribución.

Tamén me gustaría saber cando sairá o Triskel (con KDE), xa que eu sempre usei ese outro escritorio e persoalmente gústame máis, aínda que hai que recoñecer que a apariencia do Trisguel está tamén moi currada :-)

Por certo, xa para rematar, atopei algunhas faltas de ortografía no Trisguel en galego (por exemplo, nalgunhas aplicacións aparece "Reproducción" en vez de "Reprodución"). Non sei se a distribución é revisada por algún equipo de normalización lingüística; de non ser así, penso que sería interesante facelo. De todas maneiras é só unha suxerencia.

Grazas por adiantado e noraboa polo voso traballo.