Revisión de Instalar Trisquel como Servidor de Xov, 02/29/2024 - 06:39
As revisións permítenlle rastrexar as diferenzas que hai entre distintas versións dunha entrada.
Esta guía demostra como instalar Trisquel GNU/Linux como servidor.
Para iso usaremos a imaxe de 62 Megaoctetos Trisquel NetInstall, e instalaremos soamente os paquetes necesarios para ter un servidor completamente personalizado Trisquel funcionando.
Conseguir a imaxe
Este paso é bastante simple, podes descargar a imaxe de aquí:https://trisquel.info/gl/download
Non te esquezas de de facer clic en "Máis", seleccionar NetInstall e facer clic en "Descargar ISO".
Despois da descarga sigue unha das guías de abaixo (como exemplo) para preparar a unidade de instalación de Trisquel:
A Instalación
Esta é a parte máis importante dado que imos instalar Trisquel no almacenamento principal. Neste exemplo vaise usar o espazo completo do almacenamento, pero podes axustalo como desexes.
Antes de comenzar, deberías asegurarche que os datos na máquina obxectivo teñen copia de respaldo. Consulta a guía para facer copias de respaldo: Backup Files Quickly and Easily.
Iniciar a instalación
A primeira pantalla tras arrancar a túa imaxe é a seguinte, onde tes que seleccionar a túa lingua preferida.
Para instalar Trisquel con cifrado integral de disco, usa as frechas do teu teclado para escoller "Instalar Trisquel en modo texto".
Seleccionar un idioma
A primeira pantalla tras arrancar a túa imaxe é a seguinte, onde tes que seleccionar a túa lingua preferida.
Escolla a súa localización
Escolle a túa localización.
Configurar o teclado
Seleccionar o idioma do teu teclado. Se o teu teclado é comprado en Galicia, tócache escoller "Spanish".
Despois, se existen varias disposicións de teclados, escolle a disposición do teu teclado.
As disposicións para teclado amosadas na imaxe son:
- Española
- Española - Asturiana (España, con H e L con punto baixo)
- Española - Catalana (España, con L con punto medio)
- Española - Española (Dvorak)
- Española - Española (Macintosh)
- Española - Española (Windows; para teclados que teñen unha tecla co símbolo de Windows, entre Control e Alt)
- Española - Española (vírgula morta; para teclados sen letra ñ, pois se a vírgula é morta significa que cando se preme non se escrebe senón que combínase coa seguinte letra que se prema, o que permite escribir a letra ñ premendo a vírgula e despois a letra n)
- Española - Española (sen teclas mortas; para teclados sen diérese nin acentos)
Pantalla Configurar a rede
Se o instalador de Trisquel detecta no seu computador unha ou varias interfaces de rede, permite escoller a conexión a rede e, se é necesario, introducir a clave.
Introduce o nome para identificar o computador na rede.
Escolla unha réplica do arquivo de Trisquel
Escolle o país da réplica do arquivo de Trisquel.
Escolle a réplica do arquivo de Trisquel.
Se precisas dun proxy para acceder a Internet introduce a información aquí.
Configurar os usuarios e contrasinais
Introduce o nome do usuario.
Introduce o nome da conta de usuario e o contrasinal.
Configurar o reloxo
Usa as frechas do teu teclado para seleccionar o fuso horario e preme [INTRO] para confirmar a selección. Se a túa localización é Galicia tócache "Madrid".
Particionar o disco (a opción máis sinxela é "Guiado, empregar un disco completo")
Seleccionar o disco que queres particionar
Escolle os paquetes que queres instalar
- Bind9 DNS server (Servidor de Nomes de Dominio)
- Postfix mail server (servidor de correo electrónico)
- OpenSSH secure mail server (servidor de conexións seguras)
- Cups print server (servidor de impresión)
- Samba SMB file server (servidor de ficheiros)
- Triskel desktop environment (escritorio KDE)
- Trisquel console environment (contorno de consola)
- Trisquel desktop environment (escritorio MATE)
- Trisquel GNOME environment (escritorio GNOME)
- Trisquel mini environment (escritorio LXDE)
Segundo as opcións que escollas, atoparás pasos adicionais de configuración.
Selecciona "Si" para instalar GRUB (para arrancar Trisquel cando o computador se encende)
¡A instalación está rematada!
Só preme Intro e lémbrate de retirar a unidade de arranque que usaches para instalar Trisquel.
E iso é todo. Agora tés un GNU/Linux Trisquel acabo de instalar para usalo como servidor.
Podes ir á páxina de servidores Server Page para continuar a configuración.
Posibles problemas
Pantalla negra ó arrancar o Contorno de Consola de Trisquel
Isto é un fallo. Para remedialo só necesitas premer ALT + F2 e verás a pantalla de inicio de sesión.
