Revisión de Trisquel GNU/Linux 4.0 LTS "Taranis" de Lun, 04/25/2011 - 11:46
As revisións permítenlle rastrexar as diferenzas que hai entre distintas versións dunha entrada.
A edición 4.x LTS, alcumada Taranis, viu a luz en Setembro de 2010.
Taranis é unha versión LTS (Long Term Support), soporte a longo prazo en galego, que terá soporte ata mediados do 2013 e obterá actualizacións de seguridade ata 2015.
Versións do software e edicións da distribución
Esta versión está baseada en Ubuntu 10.04 LTS e coma sempre só contén software libre, incluíndo:
- Común
- Linux-libre 2.6.32
- GNOME 2.28
- Xorg 7.5
- Edición Estandar
- OpenOffice.org 3.2
- Trisquel Web Browser 3.6
- Gimp 2.6
A distribución ten catro edicións:
- Trisquel, para uso doméstico
- Trisquel Mini, para netbooks e computadoras antigas
- Trisquel Edu, para centros de ensino
- Trisquel Pro, para pequenas empresas
Esta versión ten unha nova aparencia. Exaile substituíu a Rhythmbox como aplicativo predeterminado de administración da música. Para a xestión de fotos, engadiuse Shotwell. Para unha sinxela edición de vídeo, está o novo programa PiTiVi. O cliente de mensaxería instantánea Empathy substituíu a Pidgin. Por último, ao aplicativo Simple-Scan, baseada en GTK, substituíu a XSane, baseada en X11.
Nesta versión, só os idiomas español e inglés están instalados por defecto para conservar espazo no disco. Moitos outros idiomas pódense instalar logo da instalación base cunha conexión a Internet activa.
Todas as edicións son compatíbeis con arquitecturas de 32 e 64 bits.
